Pages

Friday, December 23, 2011

"රාත්‍රී ධාවනය"


මේ සටහන ලියල තියන්න ටිකක් පහු උනත් ලියල තියන්නම ඕනෙ දෙයක් කියල හිතුනා.. පහුගිය 17 කොළඹදී පැවැත්වුනු රාත්‍රී ධාවන තරඟ (නයිට් රේස් ) බලන්න යන්න අවස්ථාවක් ලැබුණා.(ලැබුණා කියල කිවුවට ගෙඩි පිටින්ම රුපියල් 2000ක් දීල ගියේ.) මමත් මගේ යාලුවෝ දෙන්නෙකුත් තමා ගියේ.. ඇතුලෙදි තවත් කීප දෙනෙක් සෙට් වුනා..  ටිකැට්ටු තුන ගත්තෙත් එදාම හවස 4ට විතර.

රේස් බලන්න අපට නියමිත ආසන වෙන් කරල තිබුන තැනට (ඉලෙක්ට්‍රික් පීකොක් කලාපය) යනකොට
රේස් පටන් අරන් තිබුනෙ.වෙලාවට නියමිත තැනට යන්න බැරි වුනේ මගේ ප්‍රමාදය නිසාම තමා... අනිත් උන් දෙන්න මට හොඳට දෙහි කැපුව...
  වී.අයි.පී. ටිකැට් වලට පිං සිද්ද වෙන්න එතනට ගියා මිසක්ක, මේ සම්මජාතියෙ යන්න වෙන්නෙ නෑ.( අපරාදෙ කියන්න බෑ අපේ පොලිස් මාමල ටිකැට් වලට නම් දෙයියන්ට වගේ සැලකුව.. වී.අයි.පී. නිසා )

මේ තියෙන්නෙ යමින් ගමන් ගහපු එකක්... ඒත් මේකෙ කාර් නම් නෑ.. පින්තූරෙ ගන්න කොට කාර් ගිහින් ඉවරයි

පේනවනෙ පින්තූරෙ ගහපු වෙලාව.. එතකොටත් අපි  මග..  මෙතන ඉදන් තමා ලම්බොගිනිය ගිය මුල්ම රේස් එක බැලුවෙ...

කොහොමින් හරි පීකොක් කලාපයට ගියා කියමුකෝ... නයිට් ක්ලබ් එකකට ගියා වගේ තමා.. ඉස්තරම් මත්පැන් බෝතලයක්.. රුපියල් වලින් 7000ක්!! කොහේ බොන්නද..!!
 50මිලි. රුපියල් 600ක මිලක් සටහන් කරල තිබුණා...
 බීර කෝප්පයක් 150ක්.. අනිත් කෑම බයිට් වලත් නොදෙවෙනි මිලක් සටහන් වෙලා තිබුණා..


මේ දාල තියෙන්නෙ අපේ කන ගාවින් යන කාර්



නොදැනුවත් කම හින්ද ද මන්ද, මේ රේස් යන අතරවාරෙ පාර එහා මෙහා පැනපු අයත් හිටියා.. පොඩ්ඩක් හරි එහා මෙහා උනානම් ඉතින් කෑලිත් නෑ තමා..
මොණර කලාපෙ දැවැන්ත තිර දාලත් තිබුණ..


මේ ඉන්නෙ උද්යෝගීමත් ප්‍රේක්ශකයො..



මෙන්න වේගෙන් යන කාර්...



තිබුණ රේස් ඔක්කොම ඉවර වෙනකොට පහුවෙනිදා උදේ 5.45 විතර වුනා.. තව පින්තූර ගොඩක් තියෙනව.. ඒවත් හෙමීට දාන්න හිතාන ඉන්නව..

 දැනට මේ ඇති වගේ..







Wednesday, October 12, 2011

" සුරක්ෂිත වූ අපේ ආයතනය"


මේ සටහන අපේ සමාගමේ සුරක්ෂිතතා කමිටුව විසින් සංවිධානය කරන ලද පෝස්ටර් චිත්‍ර තරඟය ගැනයි.
චූට් මහත්තයා තියපු සිත්තර තරඟය දැකපු නිසා, අපේ පෝස්තර සිත්තර තරඟය ගැනත් සටහනක් දාල තියන්න ඕනෙ කියල හිතුනා.. 

හැම දෙනාටම විවෘත තරඟයක් වුන මේකට සිත්තර 24ක් ලැබිල තිබුනා.. අද, 12/10/2011,ආයතන පරිශ්‍රයේ තමයි මේක පැවත්වුනේ.. 

ඔය පහල තියෙන්නෙ ඒවා..






























පිරාමල් ග්ලාස් ආයතනය ගැන මම මීට කලින් සටහනක් දාල ඇති. සම්පූර්ණවම නිෂ්පාදන ක්‍රියාවලියෙදි ගන්න ඕනෙ ආරස්සිත ක්‍රියා තමා මේකෙදි වැඩිපුරම අවදානයට අරගෙන තියෙන්නෙ.


 මේ සටහන කියවන අයටත් සමහර විට මේවා ප්‍රයෝජනවත් වෙයි..



Thursday, July 28, 2011

28/07/2011


මාස ගානකට පස්සෙ ලිපියක් පල කරන ලිපියක්... ගොඩක් වෙලාවට තියෙන වැඩත් එක්ක කියවනව ඇරෙන්න ලිපියක් දාන්න කාලයක් නෑ...
චූටි මහත්තයා,
  බිඟූ,
ගඩොල්,
මාරයා අයියා,
...:::E-කික්ස්::...
දුකා අයියව දැක්කෙ නෑ නෙ!

එහෙම බලන්න අමතක කලේ නෑ. අළුත් අයත් ගොඩක් ඉන්නවානෙව...

ඒ අතරම කියන්න ඕනෙ, මම දැනට වැඩකරන තැන ගැනත්...
දන්න අයත් ඇති, දන්නෙ නැති අයත් ඇති... නමින් කිවුවොත් පිරාමල් ග්ලාස් සිලෝන් පී එල් සී. 







රත්මලානෙ තියෙන වීදුරු බෝතල් හදන පැක්ටරිය කිවුවොත් දන්නව ඇති සමහර විට.
 ඒත් දැන් නම් ඒක තියෙන්නෙ හොරණ අපනයන සැකසුම් කලාපයේ. වෙබ් අඩවියට ගිහින් බලනවා නම් මෙතනින් යන්න...

දන්නෙ නැති අයට කෙරෙන දේත් කෙටියෙන් කියන්නම් කෝ... ඔය බ්ලොගර් කාරයො/කාරියො ඔක්කොමල බීම බීල තියෙනවනෙ? සුවඳ විලවුන් පාවිච්චි කරල තියෙනවනෙ. නිකමට බලලා තියෙනවද ඒවා අඩංගු වෙලා තියෙන බෝතලේ ගැන?

බෝතලේ අඩියෙ හරි වටේ හරි බැලුවම පෙනෙයි "පීජීසී" හරි "සීජීසී" (සීජීසී : සිලෝන් ග්ලාස් කම්පැණි. - කියන්නෙ පරණ නම  )
( මාර අයියා එහෙම ඕක දැකල නැත්ද හැබෑට??  )


ගොඩක් වෙලාවට දන්නෙ නැතුව ඇති.


ඒ වීදුරු බෝතල් නිෂ්පාදනය කරන්නේ අපි.
වසබෝතල්, බීම බෝතල්, විලවුන් බෝතල්, අරක්කු බෝතල්...ආදී මෙකී නොකී ඔක්කොම...
අනෙක් කාරනාව තමයි, ලඬකාවටම බෝතල් නිපදවන්න කියල තියෙන්නෙ මේ කොම්පැණිය විතරයි.
 මීට කලින් මේක ශ්‍රී ලඬකාණ්ඩුවට අයිතිව තිබුණු දෙයක්.. ඒත් දැන්නම් අයිතිය තියෙන්නෙ, ඉන්දියාවෙ පිරාමල් සමූහයට.

වීදුරු නිෂ්පාදනයට ඕනෙ කරන මූලික අමුද්‍රව්‍ය වන සිලිකා වැලි ගේන්නෙ නාත්තන්ඩියෙන්... වැලි සකස් කරන්නෙත් අප සමාගමටම අයිති ශාඛාවකින්.. ඉතින් ඒකත් වැඩි වියදමක් නැතුවම සිද්ධවෙනව..


වීදුරු බෝතලයක් නිපදවෙන ක්‍රියාවලියත් බොහොම සිත්ගන්නා සුළුයි... මේක බලන්න කැමති කෙනෙක් ඉන්නවා නම් ඉතින් ලිපියකින් ඉල්ලීමක් කලාම කාලවේලාවක් ලබාගන්න පුළුවන්...

විශේෂයෙන්ම ඉස්කෝලෙ යන නංගිලා මල්ලිලාට ඉතින් වැදගත් මයෙ හිතේ...
6 වසරෙන් ඉහල අය එනව නම් තමා වැඩිය හොඳ. මොකද ඊට වඩා පොඩි එවුන්ට මේක බැලුවට තේරෙන්නෙ නැනෙ.

අනික වීදුරු උණුකරන ප්‍රදේශය ගොඩක් උණුසුම්. (1500 සෙල්සියස් විතර උෂ්ණත්වයකින් තමා වීදුරු ද්‍රව වෙන්නෙ. )

 බලන්න ඒනව නම් ඉතින් මටත් උදව් කරන්න පුළුවන්... අවසරය අරන් දෙන්න.


දැනට ඇති වගේ...






Tuesday, July 12, 2011

LinkWithin

Related Posts with Thumbnails

~එස්. ඒ.~ ගැන